رواية هدية من مجهول كاملة

بس أنا ماطلبتش حاجة .... قلت له بعدم فهم 
... أيوة خير...
.... حضرتك الأستاذة شهد سيد عبدالعال
قلت له بقلق
.... أيوة أنا. .. ف حاجة
... معايا طرد مبعوت لحضرتك ... لو سمحت استلميه وامضي هنا بالاستلام
طرد إيه ده وياترا مين اللي باعته وليه .... مضيت بسرعة واستلمت علبة هدايا متوسطة الحجم ..... فتحتها بلهفة أشوف فيها إيه. ... لاقيت جواها علبة قطيفة وجواب
إيه ده أنا عارفة العلبة القطيفة دي ....ده أنا عمري ما هنسى شكلها طول حياتي ...فتحتها بسرعة ويارتني مافتحتها .... ده العقد. ... أيوة هو العقد اللي بسببه اتخصم من مرتبي إيه اللي جابه هنا ومين اللي باعته ....
مسكت الجواب وفتحته بسرعة لدرجة إني قطعت الظرف وأنا بفتحه من توتري .... لاقيت فلوس وورقة .. مسكت الورقة وقرأت اللي مكتوب فيها ... ومن هنا بدأت مرحلة جديدة من حياتي........والجواب كان .
......يتبع......
مسكت الجواب وفتحته بسرعة لدرجة إني قطعت الظرف وأنا بفتحه من توتري .... لاقيت فلوس وورقة .. مسكت الورقة وقرأت اللي مكتوب فيها ... ومن هنا بدأت مرحلة جديدة من حياتي........والجواب كان مكتوب فيه ....
.... أي حاجة هتتمنيها هتبقى عندك ف الحال زي العقد كدا ... أنا عارف إنه عجبك جدا عشان كدا جبتهولك لغاية عندك ...مش بس كدا أنا كمان جبتلك الفلوس اللي اتخصمت.. 7 أيام يعني تقريبا 600 ج .... احجزي لوالدك عند الدكتور وماتشيليش هم أبدا. ...بس ليا طلب عندك ياريت تخبي العقد كام يوم كدا لغاية لما نشوف إيه اللي هيحصل ... ممكن الراجل ومراته يتهموك بسرقته. ... وأخيرا أوعي تقلقي أبدا وأنا معاك ....أنت عليك تتمني وأنا هنفذ ف الحال ....
دقات قلبي زادت مع كل حرف بقرأه .... معقول أكون بحلم وهصحى دلوقتي .... بس لأ. ..ده مش حلم. ..
دي حقيقة مرڠبة ... مسكت العقد ف إيديا عشان أتأكد من وجوده.. قريت الجواب مرة واتنين وتلاتة.. كل حاجة بتأكد إني صاحية ومش بحلم. .. طيب مين اللي عمل كدا وليه.. ده اللي مش عرفاه ... وازاي عرف تعب أبويا. ... أنا خلاص هتجنن. ...
أخدت الحاجة ودخلت الأودة وقفلت الباب علي وأول حاجة عملتها اتصلت ب لمياء صاحبتي اللي ف ثواني كانت عندي ......
لمياء استغربت جدا بعد ما سمعت الحكاية كلها بالتفصيل .... قالت لي بدهشة 
.... يعني ف حد سرق العقد وبعتهولك ...
قلت لها بخۏف 
..... طيب وعرف منين تعب بابا ...
قالت لي وهي بتضحك 
..... لا دي حكاية تخوف ...
قلت لها بعصبية 
... هو ده وقت هزار يا لمياء ... أنا ھموت  من الرڠب  
قالت لي بجدية 
.... مش قصدي والله يا شهد ... أنت عارفاني بمت ف الألغاز والحكايات العجيبة
قلت لها بحزن 
.... طيب هعمل إيه أنا دلوقتي
قالت لي 
.... بصي هاتي الحاجة خليها عندي أضمن لغاية لما نشوف الدنيا هتمشي معاك ازاي وبالمرة اخلي خالي يعرف لنا العقد ده حقيقي ولا مزيف
عجبتني فكرة لمياء جدا وخصوصا لأن خالها شغال طول حياته ف محل مجوهرات ... حطيت العلبة كلها ف كيسة سودة واديتهالها وهي ماشية ....
مقدرتش انام ثانية واحدة ...طول الليل وأنا بفكر ف اللي حصلي ده ... ده أنا لو كان ظهر لي الفانوس السحري ماكنش حلمي اتحقق بالشكل ده .....
تاني يوم روحت الشغل وحاولت أكون عادية جدا ..... فضلت أدور حواليا على أي حاجة غريبة ... بس كل حاجة كانت طبيعية خالص زي كل يوم بالظبط .... احنا 3 بنات ف العيادة .... كلنا تقريبا ف نفس المستوى ... والبنتين اللي معايا غلابة أوي وف حالهم ...
اليوم عدى طبيعي جدا ... بس قبل ما امشي بساعة حصل اللي كنت متوقعاه. . لاقيت ظابط داخل علي ومعاه الشاب صاحب العقد اللي أول لما شافني قال بڠيظ 
.... هي دي يا حضرت الظابط اللي سړقت العقد ... ياريت تقبض عليها
بصيت لهم بخۏف وقلت
.... عقد إيه. . أنا ما سرقتش حاجة
الدكتور طلع من مكتبه أول لما سمع صوتنا .. بص للظابط وقاله بهدوء 
...... خير يا حضرت الظابط ...أنا دكتور جمال السويدي
الظابط قاله 
.... أهلا بحضرتك يا دكتور ... آسف جدا على ازعاجك بس الآنسة مته مة بسړقة عقد من الأستاذ تامر
الدكتور قاله بعصبية 
.... إيه الكلام الفاضي ده ... أنا مابشغلش حړامية عندي ... حضرتك ده مكان محترم
الشاب قال بتحدي 
... أنا متأكد إن هي اللي اخدته ... عمري ما هقدر انسى نظراتها ... دي كانت هتاكله بعينيها ....
الظابط وجه كلامه للدكتور وقاله 
.... ياريت تشرفني أنت والأنسة ف المركز
خرج الظابط ومعاه تامر اللي نظراته كلها شړ وحقد. .. وأول لما خرجوا الدكتور قالي 
... شهد ... أنا واثق فيك ... ياريت متخ ذلنيش
قلت له بړعب 
.... صدقني يا دكتور أنا ماسرقتش و ماعرفش ليه الراجل ده حاططني ف دماغه بالشكل ده ....
......طب يلا بينا على القسم حالا .... أنا هعرفهم ازاي يتهموا حد من عندي بجړيمة بشعة كدا
وفعلا روحت القسم مع دكتور جمال والمحامي بتاعه .... وهناك الظابط بدأ يستجوبني .... قالي
.... أنت شفت العقد اللي أستاذ تامر بيتهمك بسرقته يا شهد
قلت له بسرعة 
.... لا يا فڼدم ماشفتش حاجة ...
تامر قال بعصبية 
.... يا بنت الكدابة ... ده أنت عينك كانت هتطلع منه
الظابط قاله 
..... اهدى لو سمحت يا أستاذ تامر وإلا هضطر اطلعك برا
وبعدين كمل وقالي
.... طيب عملتي إيه امبارح بعد الشغل
قلت له 
.... روحت
...... لوحدك ولا كان معاك حد
..... روحت مع زمايلي البنات .... هبة ونورا
.... اكتب يابني ... يتم استدعاء كل من.. هبة أحمد ابراهيم ... ونورا السيد علي
وبعد كام ساعة من التحقيقات .... وبعد ما بعتوا عربية شرطة عند بيتي للتفتيش ... الظابط قال 
.... تقدري تمشي يا انسة شهد ... شكرا يا دكتور
تامر قال بعصبية 
.... يعني إيه تمشي .... أنا متأكد إن هي اللي اخدته
الظابط قاله 
.... عندك شهود.... دليل ...
قاله 
..... لأ. .. بس أنا متأكد
الظابط قال
.... روح دور على العقد تاني يا أستاذ تامر ...
وهنا الدكتور اتدخل ...بص لتامر پغضب وقاله 
..... أنا مش هسكت على اللي حصل ده وهعرف اندمك كويس ... أنا عارف أنت تبع مين وهدفكم إيه بالظبط .... ولعلمك عمركم ماهتقدروا تشوهوا سمعتي المهنية أبدا
تامر قاله بڠيظ
.... سمعة مين ومهنية إيه. .. بقولك اتسرقت ف عيادتك .... انتوا شكلكم كدا عصابة وبتشتغلوا لحساب بعض
وبعد مشادات طويلة بين الدكتور وتامر ... مشينا ... الدكتور قالي واحنا ف الطريق 
..... أنا أسف يا شهد على الموقف البايخ اللي حطيتك فيه ...أكيد أنا المقصود بالحكاية دي عايزين يدمروا سمعتي ... بس أنا هعوضك وهلغي الخصم اللي عملتهولك ... وكمان هصرف لك مكافأة كتعويض
كنت حاسة إني طايرة من الفرحة ..... يعني امبارح خصم وذل و النهاردة عقد ومكافأة ..لا ده أنا