أدم و حواء بقلم دنيا سعيد فوزي
المحتويات
عين أهالينا معلش يعني هنجيب حد تالت يخدمنا! ونتقابل أمتى بقا في المشمش!
مقولتش كده بس الفكرة إني هحتاج أشتغل وانزل واتعامل مع ناس مش عايزة أبقى محپوسة بين أربع حيطان الحياة دي تخنق.
_ تعرفي إن نسبة كبيرة من المشاكل الزوجية بتحصل بسبب الإختلاط بالعالم المحيط
أحب أفهم أكتر.
_ هفهمك...بصي يستي لو الحياة مقتصرة علينا بس أنا وأنت هل هيبقى في مشاكل من نوعية فلان عمل لفلانة كذا أنت ليه معملتليش ولا مثلا فلان أهتم بفلانة بالطريقة الفلانية أنت ليه مش زيه
_ كدابة عشان لو مقولتيش بينك وبيني هتقولي بينك وبين نفسك هتقارني بيني وكذلك الحاجات اللي بقدمهالك بناس تانية وباللي بيقدموه.
بس لو أنا بحبك وأنت بتحبني مش هتديني فرصة أقول كده أنت طبيعي هتقدملي الأحلى وكذلك أنا عشان الحب بينا يستمر.
_ هو عموما الحب مش باللي بقدمه وباللي بتقدميه بس تمام هجاوبك هو مش أنا مثلا ممكن يجي عليا فترة وأتعب! مقصدش تعب مرض ربنا يعافينا أقصد هلكان من الشغل طبيعي هاجي هبقى عايز أكل وأنام مش هقدر أديك أبسط حقوقك اللي هي إني أقعد أتكلم معاك وممكن الوضع دا يتكرر بسبب ضغط شغلي ساعتها وأنت برا هتسمعي من زميلتك في الشغل إن جوزها جابلها ورد وعملها عشا خزعبلي وكانوا ف قمة رومانسيتهم...هتبدأي تقارني يوم ورا التاني هيبدأ الجفا من ناحيتك تجاهي لإنك شيفاني مقصر رغم إن دا وضع خارج عن إيدي!
_ وضحيلي أكتر.
يعني أنا مش محتاجة أخرج واختلط واسمع من زميلتي عشان أبدأ أقارن ممكن أقرأ رواية أقول ليه أنت مش زي البطل ممكن أسمع مسلسل أو فيلم وأشوف معاملته ليها ومعاملتك ليا دا لو أنا هقارن زي ما بتقول رغم إن دي مش من سماتي.
_ بس متنكريش إن في مشاكل بتحصل بسبب القيل والقال.
ودا الجزء الصح في كلامك الفكرة يا حسن إن اللي عايز يدور على المشاكل هيلاقي مليون طريقة لكده الحكاية كلها فينا أحنا أنا وأنت ف إنك تبقى واثق فيا وتحسسني إني مرغوب فيا تطمني إني في بالك دايما ومكانتي متغيرتش عندك من أول يوم تطمني ولو بكلمة رغم إنشغلاك هتفرق معايا كتير أوي وف إني رغم إنشغلاني بمليون حاجة إلا إنك تبقى أهم حاجة فيهم تبقى الأول والأخير وصدقني لو حسيت إني مقصرة أنا ذات نفسي هوقف هدفي لأجلك ولأجل لعيونك مفيش واحدة بتسعى لخړاب بيتها يا حسن بس في واحدة تبيع الدنيا وتتغير لأجل حد حنين وشاري وباقي عليها وعلى وجودها.
_ شاري والله شاري وباقي كمان بس أنت وافقي.
وهدفي
_ استغفر الله العظيم يارب...لازم يعني الهدف دا
لا خالص مش لازم يكون
متابعة القراءة
